Ich fühle mich so Migros.
Migros isch so gross,
Migros isch bekannt,
Migros – yo yo

Letschti bim poschte, da isch es mir wieder passiert:
D’Kassierin im Coop grüesst mich mit èm Name,
und ich chan mich nöd rövanchiere,
wül sies Namenstäfeli verlore hät.
Nöd dass sie min Typ gsi wär, Füfzgi oder meh.
Sie hät fründlich grüezi Herr Baer gseit
und agfange ikassiere.
Ganz nach em Slogan «für mich und dich»,
Ganz wie dè Lauener gseit hät:
«du gwöönsch dich a vill
wänn de so bekannt bisch wien ich
mè weiss wien ich heisse, frau weiss wèr ich bin*)»

Ich fühle mich so Migros.
Migros isch so gross,
Migros isch so guet,
Migros – yo yo

D Migros isch im ganze Land bekannt.
Ich bin zumindescht scho fascht überall emal gsi.
Dè Meischter Baer isch Migros,
Baer isch Migros.
D Migros isch en Bär.
M-Budget isch kult – Wot ich das dänn si?
M-Budget isch billig – Das bin ich nöd!
Budget isch guet – mis isch meischtens überzoge.
Sisch schön, wenn mèr eim bim poschte erchännt
und Stolz isch, dass mèr en kännt hät.
Bekannt si git mim Läbe en Sinn.
Doch eifach schnäll es Brot go hole lit nüme din.

Tussèn im Quartier da bin ich öpper.
Tussèn im Quartier da bin ich bekannt.
Sisch das won ich han welle.
Sisch das won ich no meh will.
Tussèn im Quartier da han ich min Name.
Usèn is Quartier da gang ich nüme ane.
D Migros isch im Quartier.
Det ussèn im Quartier staht de Migros:
è bünzligs Mietshus, Erdgschoss mit Tüfgarage,
pflägti Rabatte und suber parkierti Velo.
Ich weiss, ich bin nöd eso wied Migros

Doch fühle mich so Migros.
Aber wott ich das dänn si?
Ich fühle mich so Migros
Isch es das gsi?

Ich fühle mich so Migros.
Migros isch so gross,
Migros isch bekannt,
Migros – yo yo

zur Lyrics-Sélection
zu den drei neusten Gedichten, Songs und Gebeten
Lyrics

zurück zur Startseite